За сите оние на кои им треба пауза од месо и масна храна: Тестенини со зеленчук
Празниците завршија и сега на сите ни требаат оброци полни со здрави состојки, малку маснотии и јаглехидрати.
Овој рецепт е погоден за вегетаријанци и за сите оние на кои им треба пауза од месо и масна храна.
Состојки:
- Интегрирани тестенини
- 8 сецкани печурки
- 7 шери домати
- Половина голема тиквичка исечена на коцки
- 200 гр тиква, исечена на коцки
- 1 помала или половина поголема глава сецкан кромид
- 2 чешниња лук
Подготовка:
Исечете ја тиквата на коцки и ставете ја во сад, додадете лажица масло, сол и бибер по вкус и промешајте. Наредете ги коцките од тиква на плех за печење и печете ги во рерна околу 25 минути. Гответе ги тестенините во солена вода, според упатствата за готвење, исцедете ги и оставете ги настрана. Исечете го кромидот и пржете го во голема тава со малку масло на средна топлина. Додадете го ситно исецканиот лук, сецканите печурки, тиквичка и шери домати, исечени на половина. Мешајте додека целиот зеленчук убаво не се испржи и добие златна боја.
Додадете варени тестенини и тиква и промешајте. Додадете сол и бибер по вкус. Ако сакате, можете да додадете малку маслиново масло, оригано, кари или пармезан.
Предлог за десерт: Прелиена пита со вишни: Сочна и слатка – ќе му стане омилениот десерт на вашето семејство!