Рецепт за вкусни и меки посни кифлички

Идеални се за деновите кога постите, но и за прославите на кои очекувате гости кои постат.

ПОТРЕБНИ СОСТОЈКИ:

400 мл млака вода

1 лажичка шеќер

1 лажичка куркума

2 лажички сол

1 лажичка оцет

20 г свеж квасец

700-750 г брашно

10 г прашок за печиво

ЗА ПРЕМАЧКУВАЊЕ:

100 мл вода

1 лажица брашно

Малку сол

ПРИГОТВУВАЊЕ:

Измешајте го квасецот со шеќерот и малку вода. Додајте ја куркумата, остатокот од водата и оцетот.

Половина од брашното измешајте го со сол и прашок за печиво. Замесете тесто од двете смеси и додавајте ја останатата половина од брашното постепено.

Нека отстои 30 минути. Размесете го тестото, исечете триаголници и формирајте кифлички. Оставете ги да нараснат во тепсија, додека рерната се загрева на 200 степени.

Сварете ја водата за премачкување и додајте го брашното со солта. Премачкајте ги додека водата е жешка, па печете околу 30 минути.