Без филтер: 3 трикови за да изгледате убаво буквално на секоја фотографија!

Се чувствувате убаво, се наоѓате на идилично место или едноставно сакате да го доловите моментот. Го земате телефонот, се фоткате и ужас! Воопшто не ви се допаѓа како изгледате. На сите ни се случило некогаш ова, токму поради оваа причина многу луѓе почнуваат со употреба на филтри кои веднаш не разубавуваат: збогум несовршености, здраво виртуелни естетски корекции. И дали мора да биде така? Дали и вие можете да изгледате убаво на слики без филтри?

3 едноставни чекори за да изгледате убаво на сликите

1. Обрнете внимание на брадата

Првото нешто на кое треба да внимавате пред да сликате е да ја контролирате брадата. Многу луѓе имаат тенденција малку да ја креваат брадата кога фотографираат за да го издолжат вратот и да го сокријат подбрадокот. Наместо тоа, она што треба да направите е малку да ја спуштите брадата. На овој начин можете да го скриете подбрадокот со сопствената брада.

2. Обрнете внимание на позиционирањето на камерата

Уште еден совет. Ова важи и за фотографот. Оние кои фотографираат најчесто тоа го прават од нивната висина, не земајќи во предвид дека ако сликата е направена одоздола, ни го земаат нашиот лош агол. Фотографијата треба да ја направите малку над вашиот поглед. Ова, исто така, помага да се сокрие подбрадокот.

3. Внимавајте на вашата насмевка

Фотографиите на кои сте насмеани се најдобри, но ако вашата цел е да изгледате добро и ласкаво, мора да ја контролирате вашата насмевка. Насмевката мора да биде воздржана. За да го направите ова, треба малку да се насмеете, покажувајќи ги забите, но не премногу.