Еве зошто ни солзат очите кога сечкаме кромид – ВАКА можеме да го исечкаме без да плачеме

Не постои човек кој не пуштил солзи додека сечкал кромид и луѓето често се прашуваат зошто се случува тоа. Како што можеби знаете, постојат три вида солзи кои нашето тело ги произведува – базални, емоционални и рефлексни.

Едните од нив можеме да ги исклучиме веднаш, бидејќи се сомневаме дека имате толку развиена емпатија да ви е жал што беспомошниот зеленчук умира под вашиот нож.

Кромидот не е одговорен ни за базалните солзи, кои токму сега ги „пролевате“. Ова се вашите основни солзи, кои содржат масло, слуз, вода и сол и помагаат во борбата против инфекцијата.

Значи, според системот на елиминација, го имаме одговорот – сечкањето кромид нè поттикнува да почнеме да лееме рефлексни солзи или солзи за плакнење на очите.

Солзите што се појавуваат при сечкањето на кромидот се одговор на хемискиот процес што се случува кога ги пресекуваме неговите слоеви.

Кромидот содржи аминокиселини и сулфурни соединенија, кои се стабилни додека не се исече кромидот. Со сечењето на кромидот, ние ги оштетуваме неговите клетки, а со тоа ослободуваме ензими кои реагираат со сулфурните соединенија и формираат гас наречен пропанетиал-S-оксид.

Кога овој гас ќе дојде во контакт со влажната површина на нашите очи, се претвора во сулфурна киселина. Оваа слаба киселина ги иритира очите и предизвикува солзите да се формираат како одбранбен механизам кој помага да се исфрлат надразнувачите од очите.

Интересно е што луѓето со текот на времето развиле различни методи за да ги избегнат солзите при сечењето кромид.

Некои од советите вклучуваат:

– сечење кромид под млаз вода,
– користење остар нож за да се намали оштетувањето на клетките,
– ставање на кромидот во фрижидер пред сечењето за да се намали количината на ослободувањето гас,
– носење очила за пливање при сечкање,
– вклучување аспиратор,
– влажна крпа во близина на штицата за сечење.