Највкусната салата со тестенини на светот: Комбинација на состојки што ќе ве воодушеви!
Царство на вкусови
Оваа божествена, освежувачка и здрава летна салата се приготвува многу лесно и брзо, а комбинацијата на вкусови е вистински хедонизам
Состојки:
За салатата:
- 1 шолја пченка
- тестенини фусили или школки (по избор)
- 350 г шери домати
- 1 средна главица црвен кромид
- 1 авокадо
- маслиново масло
За преливот:
- 60 г свеж магдонос
- 50-60 мл маслиново масло
- 3 лажици сок од свеж лимон
- 1 здробено чешне лук
- 2 лажички мед
- морска сол, по вкус
- мелена чили пиперка, по избор, доколку сакате луто
- бибер по вкус
Приготвување:
Сварете ги тестенините, но внимавајте да не ги преварите за да не бидат премногу меки. Префрлете ги во голема чинија и додајте пченка, шери домат исечкан на четвртини, кромид исечен на резанки, исечкано авокадо и маслиново масло и сето тоа промешајте го.
Во блендер ставете магдонос, маслиново масло, сок од лимон, лук, мед, морска сол, чили-прав и бибер и добро испасирајте ги сите состојки додека добиете компактна смеса.
Потоа, прелејте ја смесата врз тестенините и добро промешајте за да се впие преливот рамномерно. Добар апетит!