Изненадете ги вашите домашни со овие вкусни коцки
Состојки:
За кората:
- 8 белки
- 8 лажици шеќер
- 5 жолчки
- 220 г мелени лешници
- 1 лажица мелено кафе
За филот:
- 3 жолчки
- 200 г шеќер во прав
- 100 мл варено црно кафе
- 250 г путер
- 100 г чоколадо за готвење
Приготвување:
1. За приготвување на корите, жолчките се поврзуваат со шеќерот и се матат пенесто. Белките се матат во цврст снег, па се додаваат во смесата од жолчки и полека се меша со лажица.
2. Посебно се поврзуваат мелените лешници и кафето, па се додаваат во смесата од јајца и полека се промешува со лажица.
3. Плехот од рерната се обложува со хартија за печење и во него се става смесата за кората. Се израмнува со шпатула и се пече во загреана рерна на 200°Ц, околу 15 минути. Печената кора се сече на три дела.
4. Филот се приготвува посебно. Во тенџерче се поврзуваат вареното кафе и шеќерот во прав, па се загреваат на умерена температура десетина минути, додека се добие смеса со густина на мед.
5. Се трга од огнот, па се додаваат путерот, жолчките и чоколадото, па се меша додека се поврзат состојките. Се остава да се олади.
6. Првата кора се премачкува со третина од филот и се прекрива со друга кора. Преку неа се нанесува втората третина од филот, па се завршува со третата кора и се нанесува остатокот од филот. Се остава во фрижидер да се зацврсти. Потоа колачот сече на коцки во големина по желба.
Извор: Добра храна