Вашите домашни ќе ги обожаваат овие сендвич-печива
Состојки:
За тестото:
- 500 г екстра бело брашно
- 120 г густин
- 1 белка
- 150 мл масло
- 200 мл млеко
- 20 г свеж квасец
- 1 лажиче шеќер
- 1 лажиче сол
- 1 јајце
- лен
За полнење:
- 1 главица зелена салата
- 300 г урда
- 300 г колбаси
- 2 црвени пиперки
Поврзани објави
Приготвување:
1. Во подлабок сад се соединува млакото млеко со издробениот квасец, лажиче шеќер и екстра бело брашно. Добро се меша и се остава на топло да нарасне квасецот.
2. Во сад се соединува половина од екстра белото брашно со густин и малку сол. Се прави длабнатина во средината, па во неа се додаваат малку изматената белка, квасецот и масло, па се меша. Постепено се додава остатокот од екстра белото брашно и се меси со рака додека се добие мазно тесто. Се остава додека нарасне.
3. Потоа тестото се сучи со сукало на дебелина од 5 мм. Со тркалезен шаблон за крофни се вадат кругови од тестото, а со помал шаблон се длаби средината.
4. Крукчињата се редат во плех обложен со хартија за печење и се оставаат десетина минути да нараснат. Потоа се премачкуваат со изматено јајце и се посипуваат со лен. Се печат во загреана рерна на 200°Ц, додека поруменат.
5. Печивото се остава да се олади, потоа се сече наполу. Внатрешноста се премачкува со сирењето и се полни со зелена салата, колбас и пиперка.
Извор: Добра храна