Метју Пери го продаде „небесниот замок“: Ѕирнете во него! (ФОТО)

Славниот Чендлер од „Пријатели“, чиј лик го долови актерот Метју Пери, го продаде својот луксузен апартман во Лос Анџелес, популарно наречен „небесен замок“, за небесна цена –  малку повеќе од 21 милион долари. Тоа е најскапата продажба на ваков стан во јужна Калифорнија од 2015 година досега.

Ѕвездата на „Пријатели“ издвои 20 милиони долари за станот во 2017 година, а две години подоцна сакаше да го продаде за 35 милиони. Немаше заинтересирани, па ја снижи цената на 27 милиони, 23 милиони, па завчера ја затвори зделката за 21,6 милиони долари.

Просторот опфаќа скоро 864 квадратни метри, со четири тераси со панорамски поглед на градот, планините и океанот. Новиот сопственик ќе ужива и во простории за билјард, за мали кинопроекции и кујна во средината.

Местото има и четири спални соби и седум бањи, двојни плакари и грандиозна дневна соба со камин и стаклен ѕид со поглед нанадвор. За автомобилите предвидени се три покриени паркинг-места.

Фото: Backgrid