Веге-тренд… кој мора да го пробате: „Шницли“ од карфиол

Да, добро прочитавте! А ако им додадете и куркума, ќе добиете крцкаво, златно совршенство. Најдобро од сè: рецептот е неверојатно едноставен!

Потребно за 4 лица: главица карфиол, 1 лажица маслиново масло, 1 лажица куркума во прав, сол, црн пипер.

Приготвување: измијте го карфиолот, исушете го добро и испечете го во тепсија обложена со хартија за печење (исчистен од листовите и стебленцето, исечкан на попречни парчиња од 1 до 2 см, напрскан со масло и зачинет по вкус). Печете го 20 минути (со едно вртење!) во претходно загреана рерна на 220 степени.

Идеја-плус: додајте лажиче песто од босилек или рукола.

Текст: Ј. Убипарип

Фото: Getty Images