Овие кифли ќе останат меки и повеќе од три дена
Состојки:
- 50 мл + една лажица млеко
- 2 рамни лажици шеќер
- 10 г сув квасец
- 2 цели јајца
- 100 г маргарин или путер
- 1 лажица сол
- 1 лажица оцет
- 5 г прашок за печиво
- 900 г меко брашно
Приготвување:
- Загрејте го млекото, стопете го путерот и раздвојте ги јајцата. Две белки и една жолчка одат во тестото, а преостанатата жолчка оставете ја за премачкување.
- Во топлото млеко ставете шеќер и квасец, па промешајте.
- Додајте малку брашно, жолчката и белките, стопениот путер (оставете една лажица на страна), прашок за печиво и оцет, па повторно добро измешајте.
- Додајте уште малку брашно и сол и добро промешајте.
- Додајте го остатокот од брашното и замесете тесто. Тестото ќе биде меко и лепливо и ќе треба подолго да го месите, околу 10 минути.
- Како што ќе го месите тестото, тоа ќе се соединува.
- На половина од месењето, направете пауза да ги одморите рацете. Измијте ги и можете да ги намрсите малку.
- Повторно премесете го тестото. Ако го премачкате со масло, нема толку да се лепи за раце, а треба да е лепливо.
- Подигнете го тестото, додајте го одвоениот путер во чинијата, па спуштете го тестото.
- Премесете го малку, свиткувајќи ги краевите на тестото кон навнатре.
- Заоблете го, па покријте го со крпа или фолија и оставете го на топло место да отстои еден час, а може и подолго.
- Нараснатото тесто извадете го од чинијата со намрсени раце.
- Малку намрсете ја масата, па премесете го тестото малку.
- Поделете го на 16 приближно исти делови.
- Секој дел обликувајте го во топче, свиткувајќи ги краевите кон нанадвор и малку потркалајте го на масата.
- Во голем плех за печење ставете хартија за печење и премачкајте сукало со малку масло.
- Земете едно топче, па со врвовите на прстите истанчете го малку, одејќи по него горе-долу.
- Превртете го, па направете го истото.
- Со сукалото одете од средината кон нагоре, па надолу, за да добиете форма на елипса.
- Завиткајте 1 сантиметар од долниот дел и потапкајте го со прсти, па завиткајте цела кифла.
- На крајот, развлечете го горниот дел за да биде правоаголен, па завршете со виткањето.
- Наредете ги во плех и покријте ги со фолија, па оставете ги околу 30 минути да отстојат.
- Потоа, вклучете ја рерната на 200 степени Целзиусови да се загрее и оставете ги кифлите да стојат уште толку време.
- За да го забрзате процесот, загрејте ја рерната помеѓу 30 и 40 степени Целзиусови, па покриените кифли ставете ги во рерна со сосема малку отворена врата од рерната.
- Печете ги кифлите околу 20 минути додека заруменат убаво.
- Печените кифли покријте ги со крпа и оставете ги да отстојат 10 минути.