Старинска мрзлива пита со јаболка: Најдобриот колач на сите времиња, им успева дури и на неискусните домаќинки

Мрзливата пита е еден од омилените старински колачи што се приготвува многу едноставни, а исто така е и евтин, со оглед на тоа што повеќето од состојките кои одат во колачот, сигурно веќе ги имате дома.

Состојки:

• 400 г брашно
• 200 г маст
• 170 г шеќер
• 2 јајца
• 6 лажици млеко
• 1 лажица сода бикарбона

За филот:

• 1 кг кисели јаболка
• 4 лажици гриз
• 1/2 кесичка цимет
• 150 г шеќер

За посипување:

• шеќер во прав

Приготвување:

Ставете ги брашното и маста во подлабок сад и тријте со дланки за да добиете мазна смеса. Додајте шеќер, 1 јајце, 1 жолчка, млеко и сода бикарбона, па замесете тесто. Ставете го во фрижидер 1-2 часа.

Потоа, поделете го на два дела. Едниот дел расучете го на набрашнета штица и префрлете го во замастен и набрашнет плех. Потоа, ставете фил од изрендани јаболка, посипете со гриз, цимет и шеќер. Одозгора ставете го другиот дел од расученото тесто. Премачкајте со белка и печете на средна температура околу 40 минути.

Посипете со шеќер во прав и исечете го колачот на коцки. На здравје!

Колач со јагоди и јогурт: Кремлив и сочен – ова е највкусниот летен десерт!