Дефицитот на секој витамин и минерал има свој карактеристичен симптом: Еве како да препознаете што точно му недостига на телото!
Обрнете внимание
Кога немаме доволно железо, постојано сме уморни
Соочени со пандемијата на коронавирус, многу луѓе земаат дополнителни витамини, минерали и разни суплементи без да се консултираат со лекар.
Тоа не е најдоброто решение, бидејќи можеби само фрлате пари, а во некои случаи, наместо да си помогнете, можете да му наштетите на вашето здравје.
Сепак, според одредени симптоми, можете само да препознаете кој витамин или минерал ви недостига и да побарате стручна помош.
Симптоми на недостиг од витамини…
Замор
Недостиг од: Железо
Други симптоми: Лоша концентрација, лош апетит, лоша кожа, темни подочници
Добри извори: Црвено месо, јајца, зелен зеленчук, витаминот Ц помага за негова апсорпција, па добра идеја е со оброкот да испиете сок од лимон или портокал.
Осетлива кожа
Недостиг од: Цинк
Други симптоми: Бавно зараснување на раните, бели точки на ноктите
Добри извори: Јаткасти плодови, семиња, цели житарки, сардини и црвено месо.
Проблеми со дигестијата
Недостиг од: Витамин Б3
Други симптоми: Мускулна слабост, губење апетит и разни проблеми со кожата.
Добри извори: Немасно месо, риба и јаткасти плодови.
Грчеви во рацете и во нозете
Недостиг од: Витамин Б6
Други симптоми: Воспалена кожа, раздразливост, несоница и ПМС
Добри извори: Кафеав ориз, банани и пченка
Опаѓање на косата
Недостиг од: Витамин Б9
Други симптоми: Лупење на кожата, губење апетит, бледило и замор.
Добри извори: Бубрези, црн дроб, мешунки, јајца, риба, целер.
Трпки во рацете и нозете
Недостиг од: Витамин Б12
Други симптоми: Губење килограми и болки во грбот
Добри извори: Внатрешни органи, млечни производи, јајца и риба.
Болки во грбот и во нозете
Недостиг од: Витамин Д
Други симптоми: Болка во колковите, отежнато движење, млитавост и засилено потење.
Добри извори: Сончање и поминување време на отворено
Анксиозност
Недостиг од: Магнезиум
Други симптоми: Раздразливост и нервоза.
Добри извори: Спанаќ, бадеми и леб од цело зрно
Рани во устата
Недостиг од: Витамин А
Други симптоми: Чести настинки, првут, сува кожа, коса без сјај, склоност на акни.
Добри извори: Црн дроб, јајца, сирење и јогурт.
Збунетост
Недостиг од: Витамин Б1
Други симптоми: Мачнина и чести промени на расположението.
Добри извори: Ориз, цели зрна и грав.
Чести вртоглавици
Недостиг од: Железо
Други симптоми: раздразливост, млитавост, забрзано чукање на срцето и лоша концентрација.
Добри извори: Црвено месо, пилешко месо, темнозелен зеленчук и суво овошје.
Недостиг од енергија
Недостиг од: Магнезиум
Други симптоми: Мачнина, млитавост, слабост и губење ориентација.
Добри извори: Риба, зелен листест зеленчук, минерална вода, ореви и цели житарки.