Дали ве чеша главата… ОД СТРЕС?

Важно е да ја утврдите причината

Доколку во последно време често ве чеша главата, а добро сте се прегледале и – не се вошки, тогаш причината може да биде кожно заболување на темето, нервоза или недостиг од витамини.

Ако постојано ве чеша главата и тоа ве вознемирува, важно е да ја утврдите причината.

* Себореичен дерматитис е воспалително заболување чии предизвикувачи се квасни габи. На подлогата на нивното активно размножување и раст во пределот на лојните жлезди доаѓа до воспаление, првутење и јадеж на кожата на главата. Во тој случај посетете дерматолог и трихолог (дерматолог што се специјализирал за лекување ќелавост, опаѓање на косата и болести на кожата на главата).

Причини за себореичен дерматитис може да бидат стрес и заболувања на нервниот систем, хормонски промени и имунодефицитни состојби (пад на имунитетот). За да не се размножуваат габичките, јадете помалку јаглехидрати (слатки, печива, компир) и производи од соја, кои придонесуваат за нивниот раст. А антигабично дејство имаат лукот, лененото семе, ѓумбирот, авокадото.

* До контактен дерматитис на кожата на главата доаѓа поради агресивно влијание на хемиските супстанции од шампоните, регенераторите, лаковите и боите за коса. Доколку јадежот се појавил по примена на ново средство – променете го (на пример, шампонот заменете го со некој природен, без сулфати).

* Псоријаза е хронично автоимуно заболување проследено со појава на специфични плочки над кожата. При сомнеж на псоријаза потребно е советување со дерматолог.

* Трихофитија (дерматомикоза) е габично заболување што доведува до создавање прстенести дамки на кожата и силен јадеж. И во овој случај е потребно да се посети дерматолог.

* Стресот е причина за многу непријатни симптоми, вклучувајќи и јадеж на кожата на главата. Зошто се нервирате толку? Занимавајте се со релаксирачка гимнастика и пливање, не реагирајте бурно, избегнувајте ги луѓето што ве иритираат, а покрај тоа пијте седативни билни чаеви (од валеријана, срценица, нане).

* Авитаминоза е дефицит од витамините А, Ц и Б-група и таа може да предизвика првутење, лупење и јадеж на кожата. Во тој случај ефикасни се мултивитамински препарати. Но не заборавајте во својата исхрана да вклучите месо, риба, зелениште, трици, билни масла, овошје.

Текст: д-р Лилија Рафаилјевна Аделјшина

Фото: Pixabay, Getty Images

loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време