Постигнете хармонија во својот дом

Кога уредувањето на ентериерот претставува вистинско уживање

Убаво уредените домови отсекогаш ја фасцинирале Магдалена Велевска (@magicinmyhome), која одвај чекала да има свое катче што ќе го дотера по свој терк. Минатата година ѝ се остварил сонот и заедно со сопругот почнала да го уредува нивното ново љубовно гнездо.

Секоја фаза од процесот претставуваше уживање за мене: лепењето плочки, поставувањето водоводни инсталации, па дури и работата со мајстори, која знае да биде доста стресна, сето ова ме полнеше со позитивна енергија. Со површина од 77 квадратни метри, станот има доволно простор за сè што е потребно.

Сè уште не е целосно завршен, но и не треба да биде, бидејќи секогаш се појавуваат нови и подобри идеи, па нема потреба од брзање.

Уредувањето го правиме постепено, со уживање и многу внимание и посветеност, а инспирација најчесто наоѓаме во прекрасните домови од Пинтерест, како и во моите книги и списанија за архитектура и дизајн.

Просторот е отворен, а преовладуваат белите и бежовите нијанси со природна светлина и елементи од дрво, како и комбинацијата од винтиџ и нов мебел.

Љубители сме на минималистичкиот стил, секој украс си има посебно место, а голем дел декорации ги имаме направено сами.

Секогаш имаме вазна со свежо цвеќе, што поттикнува убава енергија и хармоничност.

За нас, домот е место каде што треба да ни биде најубаво и најпријатно, прибежиште во кое секогаш можеш да си дојдеш, што и да се случува надвор од него.

Магдалена Велевска (@magicinmyhome)

Текст: Home Style

Фото: Приватна архива

loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време