Ретко ја гледаме, но затоа кога ќе се појави… Меланија повторно восхити со модното издание: Парче што секоја жена треба да го има во плакарот (ФОТО)

Меланија Трамп ретко се појавува во јавноста, сега кога веќе не е прва дама на Америка, па секое нејзино појавување е вистинска атракција. За време на нејзиниот ангажман се етаблираше како модна икона, а таква остана – нејзините модни изданија се секогаш беспрекорни.

Неодамна Меланија посети луксузен спа-центар во Њујорк, а овој пат сите погледи беа вперени во комбинацијата на славната 51-годишна дама и како и обично – не разочара.

Г-ѓа Трамп се појави во подолга маслинеста јакна со ремен од истиот материјал и сиви тесни панталони. Ги искомбинира со соодветни мокасини со високи потпетици, шарена марама и голема беж чанта.

Едноставно и елегантно, а сепак урбано и непретенциозно издание, нели? Инаку, овој модел на јакна е рецептот на Меланија за модерна комбинација со која нема грешка, која е секогаш привлечна, а сепак за секој ден.

Инаку, додека Доналд Трамп активно најавува влез во трката за претседателските избори во 2024 година, Меланија наводно не го посакува тоа сценарио.