Пробајте го овој превкусен рецепт на Радица Китевска
Радица Китевска ни го приготви овој вкусен солен тарт, кој ќе ве воодушеви со својот прекрасен изглед, но и фантастичен вкус. Доколку сте расположени за уште вакви оригинални рецепти, посетете го нејзиниот инстаграм-профил @radishas_kitchen_diaries.
Состојки:
- 1 готово тесто за пица
- сос базилико
- 1 тиквичка
- 3 моркови
- 2 црвени пиперки
- чајна салама
- 200 г рендан кашкавал
- 2 јајца
- 1 лажица јогурт
- оригано, сусам, сол
Приготвување:
1. Премачкајте го калапот за тарт со путер. Ставете го тестото за пица во калапот и убаво натапкајте го со раце, за да се оформи по рабовите на калапот.
2. Врз тестото ставете од сосот базилико, околу 1 прст над тестото. Врз сосот ставете го ренданиот кашкавал.
3. Тиквичката, морковите и пиперките исечкајте ги тенко, па почнете да ги редите заедно со саламата, формирајќи круг додека стигнете до краевите.
4. Одозгора полејте го тартот со изматени јајца и јогурт.
5. Ставете го да се пече на температура од 180˚Ц, 40-50 минути. Уживајте во прекрасниот солен тарт!
Извор: Добра храна