Ако ви е жал да фрлате храна, искористете ги остатоците за да направите пита од бајат леб!
Состојки:
- 500 г бајат леб
- 500 мл јогурт
- 200 г павлака
- 4 јајца
- 100 мл масло
- 1 прашок за печиво
- 150 г шунка
- 200 г кашкавал
- 100 г маринирани шампињони
- 50 мл кечап
- оригано
- сол
Приготвување:
1. Бајатиот леб сосе кората се сечка на коцки.
Поврзани објави
2. Посебно се поврзуваат јогуртот, павлаката, јајцата, маслото и прашокот за печиво. Се посолува по вкус и добро се меша со маталка, да се добие воедначена смеса. Се прелева преку исечканиот леб.
3. Шунката се сечка на коцки, а маринираните шампињони на листови, па сето тоа заедно се додава во садот со лебот. Се додава и половина од ренданиот кашкавал, се посипува со оригано и полека се меша за да се поврзат состојките, а лебот рамномерно да се натопи со преливот.
4. Се зема плех со големина по желба (ако се одбере помал плех, питата ќе биде подебела и посочна, во спротивно ќе биде потенка и покрцкава), па во неа се истура приготвената смеса. Рамномерно се распоредува, се посипува со остатокот од ренданиот кашкавал и се попрскува со кечап.
5. Се пече во загреана рерна на 200°Ц, додека порумени. Печената пита се остава да се олади, а потоа се сече на коцки и се послужува.
Извор: Добра храна