Леб од камена доба, без брашно, млеко и квасец: Ќе го обожавате овој рецепт!
Здрава варијанта
Овој рецепт го смислиле тројца признаени лекари и им го препорачуваат на сите
Тројца признаени експерти, неврологот доктор Дејвид Перлмутер и специјалистите по интерна медицина доктор Остин Перлмутер и доктор Кристин Лоберг, заедно ја објавиле книгата „Детокс на умот“ која открива како современиот свет длабоко влијае врз нашите секојдневни одлуки и активно манипулира со нив, поради што стануваме поосамени, понервозни, подепресивни, недоверливи, болежливи и подебели.
Покрај одличните совети како успешно да направите детокс на умот, книгата содржи и интересни рецепти кои ќе ви помогнат во тоа, а ние ви пренесуваме еден и тоа за леб „од камена доба“ кој секој може да го направи дома, а за кој авторите го наведуваат следново:
„Ние секогаш го имаме готов и често го делиме со пријателите и соседите како вкусен начин да ги запознаеме со исхрана за детокс на умот. Не мора да ги сечете семките и јаткастите подови, употребете ги цели, такви какви што се.“
Состојки за една векна:
- 100 г сирови, несолени семки од тиква
- 100 г сирови, несолени сончогледови семки
- 100 г сирови несолени ленени семки
- 100 г сусам
- 100 г сирови, несолени парчиња бадем
- 100 г сирови, несолени парчиња ореви
- 5 големи јајца од собна температура, малку изматени
- 120 мл екстра девствено маслиново масло
- 2 лажички ситна морска сол
Напомена: Авторите истакнуваат дека сите состојки треба да бидат природни, органско одгледани.
Приготвување:
Загрејте ја рерната на 170 степени. Сад за печење со димензии 23х13х8 см премачкајте го со путер, па покријте го дното со хартија за печење. Со путер премачкајте ја и хартијата за печење.
Измешајте ги сите семки и јаткасти плодови во голем сад. Додајте јајца, маслиново масло и сол и измешајте ги за состојките целосно да се поврзат. Префрлете ја смесата во приготвениот сад за печење леб. Ставете го во рерна и печете го околу еден час или додека лебот стане цврст.
Извадете го и оставете го да отстои 15 минути. Превртете го садот и чукнете го дното за да испадне лебот на решетката за ладење. Оставете го да се лади уште малку пред сечење. Чувајте го во херметички затворен сад во фрижидер.