Пробајте ги овие превкусни кошници со домати
Состојки:
За кошниците:
- 300 г екстра бело брашно тип 400 на „Жито лукс“
- 15 г свеж квасец
- 1 рамно лажиче сол
- 1 лажиче шеќер
- 50 г растопен путер
- околу 150 мл јогурт или млеко
За филот:
- 3 јајца
- 400 мл кисела павлака
- 200 г шери-домати
- сол
- црн пипер по желба
- 50 г рендано сирење по избор
Приготвување:
1. Се мати квасецот во малку топло млеко, па се додава по едно лажиче шеќер и екстра бело брашно тип 400 на „Жито лукс“. Се чека да се активира.
2. Во друг сад се мешаат екстра белото брашно тип 400 на „Жито лукс“ и солта, се додаваат приготвениот квасец, растопениот путер и со јогуртот или млекото се замесува мазно тесто. Се покрива и се остава да отстои 15 минути.
3. За тоа време се приготвува филот. Се матат јајцата со павлаката,па смесата се посолува и запиперува по желба.
4. Тестото се дели на четири дела и се обликуваат топчиња. Тркалезни калапи се премачкуваат со растопениот путер, па секое топче се сука во облик на круг и се става во отворот на калапот. Се втиснува тестото покрај рабовите и се мести така што ќе преминува малку преку работ на калапот.
5. Преку тестото се распоредува приготвениот фил и се редат доматите. Се посипува со ренданото сирење и рабовите на тестото малку се собираат кон средината.
6. Кошниците се печат на 200°Ц, од 30 до 40 минути. Се чека да се оладат во калапот, а потоа внимателно се префрлаат во чинија.
Извор: Добра храна