Направете го овој познат шпански специјалитет и уживајте во освежувачката магија на вкусови
Состојки:
- 3-4 зрели домати со средна големина
- 1 зелена пиперка
- 1 мала краставица
- ¼ главица кромид
- 2 чешниња лук
- 1 парче стар леб
- 2 лажици оцет
- 100 милилитри маслиново масло
- сол
- бибер по вкус
- ½ лажичка ситно исечкана лута пиперка
- ладна вода по потреба
За послужување:
- ситно исечкан домат
- 1 краставица
- препечен леб по вкус
Приготвување:
- Излупете ги доматот, кромидот, лукот и краставицата и измијте ја пиперката.
- Во блендер ставете резанка стар леб издробена на парчиња, сипете малку вода за да се натопи лебот, додајте маслиново масло и оцет, па додајте кромид и лук.
- Измешајте за да добиете паста.
- Додајте краставица од која сте ги отстраниле семките, пиперка и домат исечени на парчиња и блендирајте додека не се измеша сето тоа.
- По потреба додајте вода за да добиете густина на супа што ви одговара.
- Посолете, зачинете со бибер и додајте луто пиперче по вкус.
- Оладете ја супата во фрижидер пред послужување. Може да додадете и по некоја коцка мраз за да го забрзате ладењето.
- Послужете ја супата со додаток ситно сечкан зеленчук или парчиња препечен леб.