Сармички од модри патлиџани: Задолжително запишете го овој рецепт! (ВИДЕО)
Ручек за десетка
Јадењата од модри патлиџани спаѓаат во највкусните летни јадења, а ова егзотично јадење ќе ви ја разубави трпезата
Состојки:
- 2 модри патлиџани
- 50 мл маслиново масло
- сол и бибер
- оригано
- 1 главица кромид
- 1 морков
- 200 г домати
- 100 г ориз
- 125 г моцарела
- 100 г кашкавал
Приготвување:
Двата патлиџана добро измијте ги, па исечете ги на листови со дебелина од 1 см. Во маслиновото масло додајте сол и оригано и промешајте. На хартија за печење наредете ги листовите модар патлиџан, па премачакајте ги со масло. Печете ги 15 минути во рерна загреана на 200 степени.
Во загреано тавче пропржете една главица ситно исечкан кромид, изрендан морков, а потоа додајте ги доматите. Кога сето тоа ќе се скрчка, додајте го оризот. Оставете го 15 минути да се крчка.
Поврзани објави
Префрлете го во чинија и оставете го да се олади, па додајте бибер, сол и моцарела, како и свеж магдонос.
Со смесата филувајте ги листовите модар патлиџан, па наредете ги во огноотпорен сад. Врз нив посипете 100 г кашкавал, па сето тоа потпечете го 10 минути во рерна на 200 степени.
Погледнете го видеото за да ја видите целата постапка…