Одличен рецепт за вкусен оброк
Состојки:
- 10 тенки готови кори
- 150 г сирење
- 100 г рендана шунка
- 100 мл млеко
- 2 јајца
- малку кечап
- половина прашок за печиво
- оригано
- масло
Приготвување:
Издробете го сирењето со виљушка, додајте млеко и 2 јајца, прашок за печиво и сето тоа измешајте го. Изрендајте ја шунката.
Едната кора попрскајте ја малку со масло, ставете три лажици сирење, па премачкајте ја целата кора. Одозгора расфрлајте шунка, малку кечап и додајте оригано. Завиткајте во ролна и наредете ја во подмачкан плех.
Премачкајте ги ролните со масло и печете ги 30-35 минути на 200 степени. Добар апетит!
Сигурно ќе ви се допаднат и овие лепчиња без квасец.