Мафини од шпагети со најмеките ќофтиња во доматен сос: Неодоливо јадење за кое сите ќе ви бараат рецепт!
Пробајте!
Мафините од шпагети се многу декоративно јадење, но што е уште поважно – превкусни се!
Доколку ви досадиле обичните шпагети со ќофтиња, ви предлагаме генијален начин како да го приготвите ова јадење. Ќе ви треба калап за мафини и приготвувањето на овој интересен оброк може да започне!
Состојки:
- 1 пакување шпагети
- пармезан
За ќофтињата:
- 500 г мелено месо по избор
- 75 г ориз
- 1 кромид
- 2 јајца
- 2 лажици лебни трошки
- 2 чешниња лук
- 1 лажиче слатка мелена пиперка
- 50 мл вода
- сол
- бибер
- малку ситно сечкан свеж магдонос
- 2 лажици маслиново масло
За доматниот сос:
- 500 мл пасиран домат
- 3 лажици маслиново масло
- 3 лажици мазно брашно
- 1 лажица шеќер
- 1,5 л вода
- сол
- бибер
Приготвување:
За ќофтињата: Ситно исечкајте ги кромидот и лукот, па продинстајте ги на загреано маслиново масло, додајте ориз и пржете околу 2 минути, додека добијат стаклеста, жолтеникава боја. Тргнете го од рингла и оставете да се олади.
Во сад ставете мелено месо, додајте тостиран ориз, лебни трошки, јајца, зачини и вода, па сето тоа добро измешајте го со раце.
Оставете ја смесата да отстои барем половина час. Од смесата формирајте мали топчиња и ставете ги во приготвеното тавче.
За сосот: Во поголем сад загрејте масло, па додајте брашно и пропржете го малку. Потоа, додајте пасиран домат и вода и сето тоа добро измешајте го. Додајте шеќер, сол и бибер, па гответе на средно силен оган, околу 10 минути.
Сварете ги шпагетите, па процедете ги и сипете маслиново масло преку нив за да не се залепат. Врз оладените шпагети посипете пармезан и промешајте.
Ставете ги шпагетите во намрсени калапи за мафини, така што во средината ќе направите вдлабнатина и во која ќе ставите од сосот. Потоа, одозгора ставете ќофте, кое ќе го прелиете со лажица сос и врз кое ќе посипете уште пармезан.
Вака приготвените шпагети ставете ги во претходно загреана рерна и печете ги 20-25 минути.
Кога ќе ги извадите од рерна, оставете ги да се оладат малку, за да можете полесно да ги извадите од калапите.
Погледнете како да го приготвите овој вкусен и необичен оброк во видеото во продолжение…
Коментарите се заклучени.