Сос болоњезе директно од италијанската кујна: Готвач открива како се приготвуваат најсовршените шпагети!
Највкусните тестенини
Во италијанската кујна доминираат шпагетите болоњезе, а ова е оригиналниот рецепт
Познатиот италијански готвач Стефано Цила го открил рецептот за најдобриот сос болоњезе.
Овој врвен готвач нагласува дека најпрво многу е важен правилниот избор на мелено месо, па советува да купите месо со поголем процент на масност.
Понатаму, ги наведува и преостанатите состојки:
- голема главица кромид
- 2 моркова
- 100 г целер
- малку рузмарин
- 1,5 литри пасиран домат
- 100 мл екстра девствено маслиново масло
- 200 мл добро црно вино
- сол и бибер
Поврзани објави
Што се однесува до тестенините, препорачува само шпагети.
Стефано вели дека сосот мора да се готви околу три и пол часа за да добиете најдобар вкус.
Приготвување:
- Исечкајте го зеленчукот на мали коцки, а потоа ставете го во лонец каде што претходно сте загреале маслиново масло.
- Додајте гранче рузмарин и гответе на средна температура околу 5 минути.
- Додајте месо, сол и бибер, па ставете на силен и гответе со повремено мешање.
- Кога месото ќе добие кафеава боја, извадете го рузмаринот (ако сте користеле гранчиња), додајте црно вино и оставете го алкохолот да испари.
- Потоа, ставете го и пасираниот домат и гответе на тивок оган, три и пол часа.
- На секои 10-15 минути повремено промешувајте.
- Додајте уште зачини по желба.