Десертите што ви ги претставуваме, а кои неодоливо потсетуваат на оние што ги приготвуваа нашите баби и мајки, се совршен избор доколку посакате да ги израдувате најмилите, но и кога ќе ви „падне“ шеќерот. Уживајте!
Тарт од лиснато тесто со сливи и крем-сирење
Состојки:
1 пакување лиснато тесто
250 г крем-сирење
1 ванилин шеќер
¼ шолја шеќер
3 шолји сливи
Приготвување:
- Расукајте го лиснатото тесто, преполовете го и на двата краја формирајте издигнати рабови.
- Изматете ги крем-сирењето, ванилиниот шеќер и шеќерот, па распоредете го филот врз лиснатото тесто.
- Преполовете ги сливите, отстранете им ги семките, па наредете ги врз филот така што страната со лушпата ќе биде нагоре.
- Печете на 200 степени додека порумени тестото.
Колач со капини, рузмарин и бадеми
Состојки:
1+1/2 шолја брашно
1 лажиче прашок за печење
1 лажиче сода бикарбона
170 г путер
¾ шолја шеќер
1 големо јајце + 1 жолчка
¾ шолја павлака
1 ванилин шеќер
1+1/4 шолја капини
1 гранче свеж рузмарин
½ шолја ливчиња од бадеми
Прочитајте и: Рај за непцата: Пробајте ги највкусните гнездо-колачиња
Приготвување:
- Помешајте ги брашното, прашокот за печиво и содата бикарбона и оставете ги настрана.
- Изматете ги путерот, шеќерот и ванилиниот шеќер во пенеста смеса, па додајте ги и јајцата и добро изматете.
- Мешајќи, постепено додавајте ја павлаката, а потоа мешавината од брашно додека добиете сосема компактна смеса. Додајте го и ситно сечканиот рузмарин и добро промешајте.
- Сипете ја изматената смеса во подмачкан плех, одозгора наредете ги капините и печете во рерна на 170 степени десетина минути.
- Извадете го колачот од рерната, посипете го со ливчиња бадеми и вратете го во рерната да се допече.
Третиот рецепт продолжува на следната страница…