Пита со круши и лешници
Состојки:
4 круши
1 ½ шолја брашно
¾ шолја шеќер
5 лажици сончогледово масло
2 големи јајца
½ шолја рикота-сирење
1 лажиче кора од портокал
1 лажиче кора од лимон
1 ванилин шеќер
1 прашок за печиво
1 лажиче рендан ѓумбир
½ лажиче цимет
грст лешници
шеќер во прав
Прочитајте и: Засладете се со вкусен десерт: Ролнички со кардамом
Приготвување:
- Во чинија измешајте ги јајцата, шеќерот, ванилиниот шеќер, кората од рендан лимон и од портокал. Кога ќе се соединат состојките, додајте ги рикотата и маслото, а на крајот и прашокот за печиво и брашното.
- Излупете ги крушите и исечете неколку тенки парчиња по целата должина. Остатокот исечкајте го на коцкички, посипете со ѓумбир и со цимет и измешајте, а потоа додајте ги во брашното.
- Исечкајте ги ситно лешниците и половина додајте во тестото.
- Префрлете го тестото во подмачкан плех, одозгора посипете го остатокот од лешниците и наредете ги парчињата круша без да ги втиснувате во тестото.
- Печете на 180 степени додека зарумени колачот, а кога ќе се подизлади колачот, наросете го со шеќер во прав.
Текст: Н. Човиновска
Фото: Getty Images, Pixabay