Освежителен мус од лимон од само 3 состојки: Најубавиот летен десерт што и аматери можат да го приготват!
Пробајте
Станува збор за рецепт што можат да го совладаат и најголемите аматери во кујна – најтешкиот дел во целата постапка е чекањето мусот да се олади во фрижидер
Не се откажуваме од слатките залачиња ни налето, но наместо комплицирани рецепти со многу состојки, тогаш омилени ни се освежителните и едноставни десерти, без многу филозофија.
Токму како оваа брз верзија на вкусен мус од лимон што се прави од само три состојки и не содржи свежи јајца. Станува збор за рецепт што можат да го совладаат и аматери во кујна. Најтешкиот дел во целата постапка е чекањето мусот да се олади во фрижидер.
Состојки:
- 250 мл павлака за шлаг
- 230 мл бело чоколадо
- 80 мл свежо цеден сок од лимон
Приготвување:
1. Иситнете го белото чоколадо на помали делови, ставете го во огноотпорен сад и стопете го на шпорет или во микробранова рерна.
2. Во стопената смеса додајте свежо цеден лимонов сок и добро промешајте. Смесата оставете ја во фрижидер околу половина час.
3. Изматете ја павлаката во шлаг и рачно измешајте го во смесата со лимон додека се соединат сите состојки.
4. Поделете ја смесата на помали порции и ставете ги во фрижидер два часа пред да ги послужите.
Добар апетит!