Непогрешлива комбинација на вкусови
Состојки:
За кората:
- 4 јајца
- 6 лажици шеќер
- 6 лажици екстра бело брашно тип 400 на „Жито лукс“
- 5 г прашок за печиво
- 5 лажици масло
- 5 лажици млеко
За ванилиниот крем:
- 4 жолчки
- 150 г шеќер + 4 лажици
- 500 мл млеко
- 1 пудинг со вкус на ванила
- 20 г желатин
- 4 белки
- 2 пакетчиња ванилин шеќер
- 250 мл слатка павлака
За филот од јагоди:
- 800 г замрзнати јагоди
- 60 г густин
- 6 лажици шеќер
Други состојки:
- 250 г лиснато тесто
- 200 мл слатка павлака
Приготвување:
1. За приготвување на кората, белките се одвојуваат од жолчките и се матат во цврст снег, постепено додавајќи го шеќерот. Се додаваат една по една жолчките и се ставаат млекото и маслото во тенок млаз, со непрекинато матење со миксер.
2. Посебно се мешаат екстра белото брашно тип 400 на „Жито лукс“ и прашокот за печиво, па се додаваат во смесата и се мати.
3. Плех со димензии 22 х 30 см се обложува со хартија за печење и во него се става смесата. Се пече во загреана рерна на 180°Ц, дваесетина минути. Печената кора се сече напречно наполу.
4. Посебно се приготвува ванилиниот крем. Во тенџере се става 400 мл млеко, се додаваат 150 г шеќер и ванилиниот шеќер, па се вари додека зоврие. Во преостанатото млеко се матат жолчките и пудингот, па се додаваат во зовриеното млеко и понатаму се вари додека се згусне.
5. Желатинот се прелева со 8 лажици ладна вода, па се промешува и се остава да набабри. Се додава во топлиот фил од ванила и се меша додека се растопи.
6. Слатката павлака се мати во шлаг, па се додава во млакиот фил од ванила и се меша.
7. Првата половина од кората се враќа во плехот и се прелева со филот од ванила, па се прекрива со другата половина од кората. Се остава на ладно да се зацврсти.
8. Јагодите се одмрзнуваат и заедно со сокот што го пуштиле во текот на топењето се матат со миксер. Добиената каша се меша со шеќерот и густинот, па се вари додека се згусне. Филот од јагоди се прелева преку горната кора.
9. Лиснатото тесто се истенчува и се сече на 15 квадрати. Се пече во рерна, да зарумени тестото. Се лади и се распоредува преку филот од јагоди. Се декорира со шлаг.
Извор: Добра храна