Колач со вишни и со пишкоти: Кремасто и сочно задоволство за цело семејство!
Десерт кој освојува
Ви носиме едноставен рецепт за совршен десерт кој ќе ве воодушеви со вкусот!
Состојки:
- 700 г вишни
- 16 лажици шеќер
- 2 пудинга од малина или јагода
- 2 пудинга од ванила
- 900 мл вода
- 160 г путер
- 750 мл млеко
- 450-500 г пишкоти
- 2 лажици гриз
- 2 дл слатка павлака
- 200 г чоколадо за готвење
Приготвување:
- Во лонец сипете 500 мл вода, 8 лажици шеќер и исцедени вишни.
- Пудинзите од малина или јагода изматете ги во 2 дл вода и потоа додајте ги во лонецот со вишните.
- Сварете го пудингот, па додајте 80 г путер, сето тоа добро измешајте го и варете го уште неколку минути додека се стопи путерот.
- Подгответе сад со големина 28х28 см, па потопете ги пишкотите во ладно млеко и наредете ги на дното во садот.
- Врз пишкотите со лажица рамномерно распоредете го кремот од пудинг и вишни.
- Потоа, повторете ред со пишкоти, но овој пат не ги потопувајте во млеко.
- Во лонец додајте 500 мл млеко и 8 лажици шеќер, а во друг сад разматете ги пудинзите од ванила во 2 дл вода и внатре додајте 2 лажици гриз.
- Измешајте, па префрлете ги во лонецот со млекото.
- Варете додека добиете пудинг, па додајте 80 г путер.
- Пудингот прелејте го врз пишкотите.
- Загрејте слатка павлака и во неа стопете го чоколадото за готвење.
- Чоколадната глазура прелејте ја врз колачот и оставете го да се лади во фрижидер.