За време на летните горештини, сигурно не ви се ни приближува до рерната, меѓутоа високите температури не ја намалуваат желбата за благо, па идеалното решение е колач што не се пече!
Состојки:
- 1 килограм бисквити
- 1 литар јогурт
- 50 грама шеќер во прав
- 500 грама измиени и исечени јагоди
- 300 милилитри слатка павлака
- маргарин или путер за премачкување на тепсиите
Приготвување:
1. Во поголем сад ставете ги издробените бисквити.
2. Прелејте ги со јогурт и промешајте.
3. Додајте го исечканото овошје.
4. Додајте шеќер во прав и сето тоа соединете го.
5. Плех, калап или тепсија со димензии 27 х 35 сантиметри премачкајте ги со маргарин или со путер.
6. Распоредете ја смесата во тепсија.
7. Изматете слатка павлака и премачкајте ја врз колачите.
8. Ставете го колачот во фрижидер, најдобро преку ноќ, за да омекнат бисквитите.
Доколку оваа количина ви е преголема, може да направите со половина мера. Користете овошје по желба и ако сакате повеќе овошје, слободно додајте.
Ако користите покисело овошје, може да додадете повеќе шеќер.
Добар апетит!