Засладете се без грижа на совест
Состојки:
- 4 јајца
- 6 таблети вештачки засладувач за дијабетичари или стевија
- 150 г мелени ореви (лешници, бадеми)
- 50 г кокос (кокосово брашно)
- 1 лажица какао (со висок процент на какао)
За глазурата:
- 80 г чоколадо со најмалку 80% какао, без шеќер и засладувачи
- 200 мл павлака за готвење, исклучиво млечна
Приготвување:
Вклучете ја рерната на 200 степени да се загрее. Изматете ги белките пенесто, притоа додавајќи здробени таблети или стевија. Кога белките ќе станат цврсти, додајте ги жолчките и изматете. Потоа, додајте ги мелените ореви и кокосот и измешајте го сето тоа со лопатка.
Во помал плех (може тркалезен со пречник од 20 см) ставете хартија за печење и префрлете ја смесата. Печете околу 20 минути и проверувајте со чепкалка.
Пригответе ја глазурата. Загрејте ја павлаката до вриење и со неа прелејте го здробеното чоколадо. Мешајте додека целосно се стопи и соедини со павлаката. Количината на павлака може да биде и помала, така чоколадото повеќе ќе се чувствува.
Богато премачкајте го колачот, па оставете ги колачот и чоколадото малку да се оладат. Уживајте!