Полнет карфиол: Идеален и брз кето-ручек

Вкусен и здрав рецепт

„Полнет“ карфиол е нашиот избор за денешниот ручек, а освен што е вкусен, погоден е и за луѓе на кето-диета.

Сто грама карфиол содржат 80% од дневната количина на магнезиум, што значи дека овој зеленчук има исклучително корисен ефект врз кардиоваскуларниот систем. Покрај тоа, ја намалува болката предизвикана од ревматизам, ги ублажува и симптомите на менопауза.

Антиоксидансите во карфиолот ги уништуваат слободните радикали и со тоа го забавуваат процесот на стареење. Карфиолот е богат со витамин Б9 и особено се препорачува за бремени жени. Покрај тоа, го зајакнува имунолошкиот систем, го штити срцето и бидејќи има малку калории, погоден е и за диета.

Затоа решивме да ви претставиме вкусен и здрав рецепт со карфиол. А кога велиме „полнет“, мислиме на тоа дека го „наполнивме“ овој рецепт со оние намирници што ќе го направат карфиолот супервкусен, како што се павлаката, сирењето, сланината и лукот.

Состојки:

0,5 кг карфиол
100 г кисела павлака (може да биде и растителна за веганска опција)
1 шолја чедар-кашкавал (за веганска опција – растителен кашкавал)
2 парчиња сланина (изоставете ја оваа состојка во случај да сте веган)
2 лажици власец (ситно сечкан)
3 лажици путер (или маргарин во случај на вегански рецепт)
1/4 лажица лук во прав
сол и бибер по вкус

Приготвување:

1 Расцекајте го карфиолот во цветови и варете ги во врела вода околу 10 минути. Процедете ги.
2 Во блендер, ставете ги омекнатиот путер, лукот и павлаката, и блендирајте.
3 Додајте ги лукот, половина од количеството чедар-сирење и промешајте. Зачинете по вкус.
4 Наредете ги цветовите карфиол во огноотпорен сад, прелијте ги со смесата од блендерот и наредете ја сланината. Печете околу 20 минути на 220 степени.
5 Потоа, додајте ги остатокот од чедар-кашкавал и власецот.
6 Вратете се во рерна и печете додека  се растопи кашкавалот.
7 Послужете со сезонска салата.
Добар апетит! 🙂

 

View this post on Instagram

 

A post shared by Jennie (@jennie_ww_winner)

Текст: Добра храна

Фото: Инстаграм

Прочитајте и
Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време