Во случај на какво било хронично заболување, консултирајте се со фитотерапевт!
Фитотерапијата помага да се намали ризикот од метаболички синдром. Лековитите растенија имаат повеќекратно дејство: го активираат метаболизмот, го намалуваат апетитот, го топат поткожното масно ткиво, имаат диуретично и лаксативно дејство и ги исфрлаат вишокот холестерол и токсини.
Може да се користи следната мешавина: четири лажичиња плодови од шипка (има диуретичко и холеретичко дејство), по две лажичиња жалфија и пченкарна свила (го намалуваат апетитот, ги подобруваат метаболичките процеси, имаат мало диуретичко и холеретичко дејство), по едно лажиче цветови од камилица и нане (имаат мало холеретичко дејство) и кора од крушина (има мало лаксативно дејство).
Сите билки треба да бидат суви и исечкани. Една лажица од мешавината прелејте со шолја врела вода, оставете да отстои еден час, па процедете. Пијте по една чаша наутро и навечер. Третманот трае максимум седум дена, потоа треба да се направи десетдневна пауза и да се повтори лекувањето.
Ефикасен е и следниот рецепт: помешајте еднакви делови цветови од камилица, плодови од шипка, цвет од липа и лист од нане. Една лажица од мешавината прелејте со шолја врела вода, оставете да отстои 45 минути, па процедете. Земајте по половина чаша два-три пати на ден.
Растенијата што содржат горчливи материи се одличен помошник во борбата против несаканите килограми, бидејќи ги активираат метаболичките процеси и работата на дигестивниот систем. Трипати на ден пред јадење можете да земете на врв од нож мелена жолта линцура и да ја прелеете со вода. Третманот трае од седум до десет дена, а по еднонеделна пауза треба да се повтори.
Многу повеќе корисни совети за унапредување на здравјето можете да прочитате во специјализираното списание „Руски доктор“ (кликнете ТУКА).
Текст: Руски доктор