Се обидувате да се откажете од пушењето? Многумина се спасија од цигарите со помош на овие билки

Фитотерапијата, т.е. употребата на растенија за терапевтски цели, може да им помогне на оние на кои им е потребна поддршка во оваа тешка фаза во обидот да се откажат од никотинот. На тој начин предизвикот да ставите крај на пушењето ќе биде помалку физички и психички стресен, но и ќе премине во една нова можност за поинаков, здрав живот.

Честопати, откажувањето од цигарите не е само проблем на вистинска физичка зависност, туку и на навика која кај пушачите е веќе составен дел од нивниот живот и без која, на психолошки план, повеќе не можат.

Затоа, некои растенија можат да му помогнат на телото, а други на менталното здравје. На тој начин нервниот систем ќе има можност да се бори против стрес и нервоза што со себе ги носи една ваква голема и драстична промена.

Кантарион
Една од најпознатите билки која помага при позитивен ментален став, а воедно се бори и со депресијата е кантарионот. Доброто расположение може да биде важно, особено во раните фази на откажување од пушење.

Корен од рен
Едно од најпопуларните растенија во светот за подигање на енергија и помагање на телото да се справи со стресот. Ренот помага да се ублажи заморот и нервозата поврзани со откажувањето од пушење. Тоа е адаптогено растение кое може да му помогне на телото, сега без никотин, да воспостави нова рамнотежа.

Ѓумбир
Ѓумбирот помага да се намали нагонот за пушење и, исто како и сладунецот, остава пријатно чувство на непцето поради силниот вкус кој помага да се одвлече вниманието од желбата за цигара.

Нане
Нането благотворно делува на дигестивниот систем и помага да се ублажи чувството на гадење кое понекогаш се поврзува со откажување од пушење. Корисно е и против главоболки, нервоза и напнатост. Добриот вкус помага и ако страдате од лош здив.