Кејти Пери го покажала телото пет дена по породувањето: Никој не е совршен и не мора ни да биде!

МТВ во недела ја одржале првата виртуелна церемонија за доделување музички награди. На тоа доделување се појавиле некои од најголемите музички имиња.

Тазе мајката Кејти Пери не можела а да не реагира на свој духовит и оригинален начин.

Таа на својот инстаграм-профил објавила фотографија на која позира пред огледало во тоалет, облечена во градник за доилки и гаќички со висок струк.

Триесет и петгодишната поп-ѕвезда се породи пред пет дена и на фотографијата сè уште јасно се гледа телото на една родилка: изразен стомак и измачено лице.

Пејачката никогаш не се срамела од своето тело, па така и во деветтиот месец од бременоста го покажувала големиот труднички стомак и вишокот килограми качени за време на бременоста.

Можеме само да кажеме: Секоја чест, Кејти! И ти благодариме што покажуваш дека никој не е совршен и не мора ни да биде!

Кети Пери се породи, па реши да се пресели – Заедно со ќерката заминува во Велика Британија