Многумина сакаат да имаат долги и густи трепки, но природата, за жал, не е секогаш дарежлива онаму каде што би сакале да биде. Ова значи дека многу луѓе едноставно остануваат „лишени“ кога станува збор за волуменот на трепките.
Ако бујните трепки се нешто што го немате и за што фантазирате, можете да се потпрете на добрата маскара или третманот за надградба на трепки. Но, оваа последна опција понекогаш е причина за опаѓање на природните трепки. Затоа, ако природно „недостасувате“ или ако трепките ви се оштетени поради надградба, дознајте за начините како да ги направите побујни.
Користете серум за трепки
Трепките минуваат низ истите фази на раст како и вашата коса – тие растат, престануваат да растат и паѓаат. Фазата на раст може да трае помеѓу четири и единаесет месеци, по што тие природно опаѓаат. Со возраста, фазата на раст станува пократка, а тоа предизвикува помалку трепки. За да го продолжите растот, користете серуми кои содржат биотин, аминокиселини и протеини кои ги негуваат трепките.
Изберете мудро и секогаш отстранувајте ја шминката
Квалитетот на маскарата значително влијае на квалитетот на вашите трепки. Изберете маскари богати со масла што ги сакаат вашите трепки. Покрај квалитетот, бидете внимателни и како ја отстранувате шминката. Немојте да бидете премногу груби бидејќи ова може да ги оштети и искине трепките. Исто така, не прескокнувајте да ја вадите маскарата од трепките бидејќи тоа придонесува за нивно опуштање.
Поврзани објави
Избегнувајте виткачи за трепки
Многу жени користат виткачи за да имаат поцелосен изглед и да ги кренат трепките кои мрзливо паѓаат кон долниот очен капак. Но, вистина е дека редовната и честа употреба на виткачи ја намалува густината на трепките и дека виткачите често ги собираат трепките кои би можеле да имаат многу подолг животен век. Не мора целосно да се ослободите од вашите виткачи. Но, би било пожелно да се прават редовни паузи за одмор и зајакнување на трепките.
Внимавајте на вашата исхрана
Храната што е добра за раст на косата е подеднакво добра и за раст на трепките. Тоа е, пред сè, храна богата со витамини Б и Ц и протеини. Можете исто така да посегнете кон додатоци во исхраната.
Прочитајте и: Трик што го одобруваат и дерматолозите: Правете го ова 5 минути дневно и нема да имате ниту една брчка на лицето! (ВИДЕО)
ФОТО: Pixabay