Хана дознала дека е бремена кога ѝ пукнал воденикот 50 минути пред породувањето: „Пиев и контрацепциски пилули!“

Хана Вајолет (25) е самохрана мајка на петгодишно девојче. На својот ТикТок-профил често објавува видеа на тема неочекуваното раѓање на нејзината ќеркичка.

Таа тврди дека бременоста ја изненадила, бидејќи цело време користела пилули за контрацепција, а дознала дека е бремена 50 минути пред самото породување.

Едно утро се разбудила со болки во стомакот и грбот, па семејството брзо ја одвело во болница, сомневајќи се на воспаление на слепото црево. Кога била примена на ургентно, набрзо станало јасно дека наскоро ќе се породи.

„Татко ми тоа утро ме пронајде во бањата како се грчам од болки. Викнаа брза помош и ни кажаа дека можно е да имам воспаление на слепото црево. Пристигнавме во болница и требаше да ми земат крв, но јас толку се виткав од болки, што тоа не беше возможно“, раскажала Хана во видеото.

@h.anviolet That’s one way to get yourself banned from microgynon #ididntknowiwaspregnant #crypticpregnancy #crypticpregnancyawareness #pillbaby ♬ DONT USE NOT TV – eversincecorneliastreet

Набрзо, на сите во болницата им станало јасно дека Хана треба да се пораѓа.

„Пристигнавме во болница и сакаа да ми земат крв, но премногу ме болеше за да останам мирна. Две секунди подоцна ми пукна воденикот и тогаш ми кажаа дека, всушност, имам трудови. Ги одведоа моите родители во друга просторија за да им објаснат што се случува, им кажаа дека ќе станат баба и дедо“, се присетила Хана.

Таа додала дека побарала мајка ѝ да биде со неа на породувањето, а татко ѝ останал во чекалницата и му се јавил на брат ѝ за да му каже што се случува.

„50 минути подоцна родив девојче“, рекла таа.

Во коментарите под видеото се огласиле жени кои поминале низ слично искуство. И покрај пилулите, останале бремени и дознале за тоа дури по неколку недели.

„Јас дознав дури во 27. недела од бременоста“, напишала една.

„И покрај пилулите, дознав дека сум бремена во 34. недела“, додала друга.

Хана има поделено мислење за искуството со медицинскиот тим што бил задолжен да се грижи за неа.

„Се породив 50 минути откако дознав дека сум бремена, а потоа морав да поминам два дена во болница со бабици од кои немав никаква поддршка“, рекла таа во едно од претходните видеа.

Во друго видео ѝ се заблагодарила на медицинската сестра која се грижела за неа.

„Никогаш нема да ја заборавам болничарката која остана покрај мене целото време откако дознав дека сум бремена и која ми помагаше за време на породувањето“, порачала Хана.

Ана имала 4 абортуса, а потоа на породувањето се случило чудо: Лекарите занемеле од шок!