Подготвени за исчекор во ентериерот?
Нашите предлози нека ве водат во пролетното освежување на вашиот дом
Пролетта е годишна доба кога сите размислуваме за чистење, средување и уредување на нашиот дом. Иако моменталната ситуација не ни дозволува да внесеме значителни промени, сепак, мало освежување на ентериерот, кое не бара голема инвестиција, може да придонесе за разубавување на животниот простор, особено сега, кога најголемиот дел од времето го поминуваме во него.
Во царството на тапетите
Главни предности на хартиените тапети се најниска цена, долготрајност и голем избор на пазарот. Обични хартиени тапети се поставуваат само во суви простории и не смее да се мијат, додека пластифицираните може да се лепат и во влажни простории и се мијат.
Винил-тапетите се изработени 100% од винил, но и оние со хартиена или текстилна основа, пресвлечени само со заштитен слој од винил. Се мијат и може да се поставуваат во влажни простории, како што е бањата.
Текстилните тапети главно се изработуваат од полиестер, но и од природни материјали (памук, лен, свила, бамбус). Нивна главна предност е отпорноста на истегнување – поради што се препорачливи за ѕидови со мали пукнатини, како и едноставното одлепување и можноста за повеќекратна употреба.
БЕЗВРЕМЕНСКИ КЛАСИК
Едно поконкретно пругасто парче како фотелја ќе внесе динамика во минималистички уреден дом, но затоа пругите би требало да се исфрлат од рустикално уредените простори, во кои мебелот е доволно декоративен сам по себе.
Пругите секогаш треба да бидат детаљ, бидејќи ако ги има на секое парче мебел и декорација ќе го направат просторот хаотичен.
Поврзани објави
ШИК И ПРЕФИНЕТО
Како да се разубави амбиентот само со еден детаљ? Додајте подна ламба во својот простор! За шик и префинето чувство во ентериерот сигурно нема да погрешите ако се одлучите за ламба со завршна обработка од: злато, месинг, бакар, сребро или не’рѓосувачки челик.
ДОЗА ЛУКСУЗ
Теписите често се истакнуваат како еден од најбитните елементи во ентериерот, со оглед на тоа што имаат моќ комплетно да ги променат изгледот и карактерот на просторијата. Значи, доколку сакате во која било просторија да внесете доза луксуз, тепихот е еден од сојузниците на кои можете да се потпрете.
ИНСПИРАЦИЈА ВО ПРИРОДАТА
Домот го прават интересен токму деталите во него. Керамиката, како најфункционален украс во домот, доаѓа во разни облици – геометриски, во вид на декоративни садови, овошки, но кога има и функционална функција, тогаш знаеме дека претставува одлично парче за просторот.
Текст: Бојана Стојменовиќ
Фото: Pixabay, Getty Images