Ова цвеќе обожава ладовина: 9 раскошни билки кои цутат цело лето без сонце!
Миризливи убавици
Можете да ги посадите во земја и во саксија
Ако на вашиот балкон или во градината преовладува ладовина, или имате дел од градината кој поголемиот дел од времето е во сенка, а сакате да го збогатите со раскошни и миризливи цветови, ви ги претставуваме најубавите цвеќиња што не поднесуваат јако сонце!
Овие прекрасни билки обожаваат ладовина, а некои од нив ќе ве израдуваат со раскошни цветови дури и во ладните зимски месеци.
1. Фуксија
View this post on Instagram
Ова прекрасно цвеќе цути во текот на целата сезона и најдобро е за висечки саксии. Одлично успева во целосна ладовина. Сака висока влажност на воздухот, па треба да се наросува по листовите и му треба многу ѓубриво. Во текот на зимата треба да се внесе внатре во домот и понатаму да се внимава дали има доволно влага.
2. Персиски штит
View this post on Instagram
Прекрасна билка со виолетови листови која потекнува од Мјанмар. Цути дури и во текот на зимата, па нејзините атрактивни металик цветови ќе ве радуваат и во поладниот период. Сепак, не поднесува мраз, па во најстудените месеци треба да се внесе во затворен простор. Не поднесува топлина на директно сонце, бидејќи тоа може да им нанесе голема штета на листовите.
3. Воденика
View this post on Instagram
Оваа едногодишна билка сета своја убавина ја покажува во ладовина. Цело лето ќе ве развеселува со раскошни цветови во прекрасни бои. Сè што треба да направите е редовно да го полевате овој цвет.
4. Торенија
View this post on Instagram
Ако сакате цвеќе со романтичен изглед, торенијата е вистинскиот избор за вас. Со изгледот потсетува на цветот ден и ноќ. Летото во ладовина многу ќе му годи. Најубаво изгледа кога не се меша со некое друго цвеќе.
5. Лобелија
Поврзани објави
View this post on Instagram
Оваа прекрасна едногодишна билка најдобро изгледа кога се прелева од саксијата. Не сака силни горештини и директно сонце, а сака редовно и обилно полевање.
6. Украсна коприва
View this post on Instagram
Листовите на оваа прекрасна билка по формата потсетува на коприва, но се разликува по атрактивните бои. Оваа билка нема цвет, па најдобро е да се сади помеѓу други шарени цвеќиња. Најдобро успева на температури повисоки од 13 степени, но може да презими и во градината.
7. Бршлен
View this post on Instagram
Ако сте љубител на зеленило без цветови, бршленот е одличен избор за градина во ладовина.
8. Бегонија
View this post on Instagram
Ова цвеќе во природа природно расте во ладовината на дрвјата. Не поднесува директна изложеност на сонце. Му треба добра дренажа и растресито земјиште. Земјата никогаш не треба да биде ни премногу влажна ни премногу сува. Во зимскиот период треба да се внесе внатре во домот.
9. Кукурек
View this post on Instagram
Иако изгледа нежно, овој цвет е многу жилав и издржлив. Цути од крајот на зимата до рана пролет, понекогаш пробивајќи се низ снегот. Достапен е во различни бои, од чисто бела до розова.