Здрав и брз ручек: вегански тортилја-сендвич
Нам ни звучи фантастично!
Како што знаеме, тортилјите ѝ припаѓаат на традиционалната кујна на Мексико и Централна Америка. Овие вкусни тркалезни „тортички“ најчесто се прават од пченкарно и пченично брашно, а потоа се полнат со разни прилози и мачканици.
Патем, според легендата, тортилјите ги измислил селанец од Маите за да го нахрани гладниот крал. Кога Шпанците пристигнале во Латинска Америка, откриле дека староседелците и другите локални народи консумираат некаков леб од пченка. Токму Шпанците го дадоа името тортилја, што значи „мала торта“.
Состојки:
1 тортилја
2 лажици хумус
грст свеж спанаќ
1 среден морков
2 лажици индиски ореви
1 домат
Приготвување:
Излупете го морковот, изрендајте го и исцедете му го сокот.
Исечкајте го индискиот орев на крупни парчиња.
Намачкајте ја тортилјата со хумус, па на средина ставете го спанаќот.
Одозгора наредете ги ренданиот морков, исечканиот домат и индискиот орев.
Завиткајте ја тортилјата и запечете ја во тава на оган.
Добар апетит!
Текст: Убавина и здравје