Посен ориз со спанаќ: Откако ќе го пробате, ќе сакате да го подготвувате цело време!

За совршен почеток на денот ви го откривме рецептот за палачинки со спанаќ, а еве на каков начин можете да направите ручек со спанаќ. Станува збор за многу вкусно, евтино и здраво јадење – посен ориз со спанаќ. Вкусот ќе ве воодушеви…

Ова едноставно и вкусно јадење можете да го направите на безброј начини и да додадете состојки и зачини во оризот по желба. А она што го прави ова јадење исклучително здраво е спанаќот. Причината зошто спанаќот се смета за суперхрана е поради големиот број на хранливи материи а многу малку калории.

Состојки:

• 2 чаши ориз
• 400 гр замрзнат или свеж спанаќ
• 2 коцки за супа од зеленчук
• 100 гр шампињони
• 1 голем кромид
• 2 големи чешниња лук
• 50 гр суво грозје
• 2 лажици масло
• сол и бибер по вкус

Подготовка:

Оризот убаво измијте го, истурете го во тенџере, додадете ги коцките за супа и прелијте со вода. Гответе додека не е целосно сварен оризот. Потоа извадете го од шпоретот. Излупете ги и ситно исечкајте ги кромидот и лукот. Измијте ги и ситно исечкајте ги шампињоните. Сувото грозје измијте го и исцедете го добро. Измијте го и изрендајте го морковот. Загрејте го маслото на средна топлина и пропржете го кромидот додека не стане проѕирен. Потоа додадете ги лукот, морковите и печурките. Гответе неколку минути. Измешајте ги ориз и зеленчукот, додадете сол и бибер. Сето тоа истурете го во подмачкан огноотпорен сад или тавче. Се пече во рерна загреана на 200 степени додека не се испече (до златно кафеава боја). Послужете го оризот на чини и посипете со суво грозје.