За оваа пита со сирење велат дека е повкусна и од најдобриот бурек: Се приготвува за 10 минути, а еве во што е трикот!

Иако веќе сигурно имате барем неколку проверено добри рецепти за пита со сирење, ние ви го откриваме убедливо најдобриот! Процесот на приготвување воопшто нема да ви одземе многу време, а вкусот ќе ги воодушеви и најголемите гурмани.

Состојки:

• 500 г свежо сирење
• 1 кисела павлака и 1 чаша грчки јогурт
• 1 јајце
• сол
• кори за пита
• 100 г путер
• 1 лажица масло

Приготвување:

Во поголем сад измешајте свежо сирење и кисела павлака или чаша грчки јогурт. Додајте јајце и посолете. Стопете го путерот со една лажица масло. Измешајте.

Главниот трик е во редењето на готовите кори!

Премачкајте ја едната кора и преклопете ја на половина, па повторно на половина. Ставете ја на дното од садот. Другите две кори исто така премачкајте ги со путер, преклопете ги само еднаш, повторно премачкајте ги со путер и ставете ги во садот така што ќе го покријат дното и рабовите.

На дното ставете дел од сирењето. Врз сирењето ставете уште една кора што сте ја преклопиле двапати и сте ја премачкале со путер. Додајте ги двете кори кои сте ги преклопиле само еднаш, додајте го преостанатото сирење, па повторно додајте двапати преклопена кора.

Деловите од кората што висат надвор од калапот сега преклопете ги врз последната кора, така што ќе ја покријат целата површина и премачкајте го сето тоа со мешавина од путер и масло. Печете на 200 степени, 20 до 30 минути или додека питата добие убава златна боја.

Брза пита од готови кори, спремна за 10 минути: Не постои поедноставен рецепт од овој!