Совршено крцкава и вкусна: Оваа прелиена пита со месо ќе ве остави без зборови!
Предјадења
Прелеаната пита можете да ја оставите во текот на ноќта во фрижидер и да ја печете следниот ден
Состојки:
- 500 г тенки кори за пита
- 500 г мешано мелено месо
- 250 г младо сирење
- 2 главици кромид
- 100 мл масло
- 1 лажиче сол
- 1/2 лажиче црн пипер
За преливот:
- 4 јајца
- 1 шолјичка кисела павлака со 6% млечна маст
- 200 мл минерална вода
- 10 г прашок за печиво
- 50 мл масло
- 1/2 лажиче сол
Приготвување:
1. Кромидот се лупи и се пржи на малку масло. Се додава меленото месо и се пржи додека ја промени бојата. Се додаваат сол и црн пипер по вкус.
2. Се намрсува плех со средна големина, а потоа дното се прекрива со кора за пита, ако е кората поголем од садот, малку се преклопува и се попрскува со масло. Се нанесува друга кора, а потоа се премачкува со малку од филот од месо и се посипува со малку исечкано младо сирење. Постапката на полнења се повторува додека се потроши материјалот, се завршува со две кори за пита.
3. Преливот се приготвува посебно – се матат јајцата, киселото млеко, маслото, прашокот за печиво и малку сол.
4. Полнетата пита се сечка на коцки во големина по желба и се прелева со смесата од јајца. С остава да отстои десет минути, за да ја впијат корите потребната течност.
5. Се пече во загреана рерна на 200°Ц, додека зарумени кората.
Извор: Добра храна