Слоевита и сочна традиционална пита: Научете како да приготвите тутманик!

Состојки:

За тестото:

• 250 мл млако млеко
• 1 лажица јогурт
• 2 јајца
• 5 лажици растопен путер
• 1 лажиче шеќер
• 1 лажиче сол
• 40 г свеж квасец
• 650 г екстра бело брашно тип 400 на „Жито лукс“

За филот:

• 300 г свежо сирење
• 1 јајце
• 60 г путер

За премачкување:

• 1 јајце

Приготвување:

1. Во млакото млеко се мешаат издробениот квасец, лажиче екстра бело брашно тип 400 на „Жито лукс“ и шеќер. Се покрива со сува крпа и се остава на топло да нарасне.

2. Во сад се ставаат 300 г екстра бело брашно тип 400 на „Жито лукс“, се додава сол и се промешува. Се прави длабнатина во средината и се додаваат јајцата, стопениот путер, квасецот и јогуртот. Добро се меша, па постепено се додава преостанатото екстра бело брашно тип 400 на „Жито лукс“ и се меси со рака додека се добие мазно тесто. Замесеното тесто се остава на топло место да нарасне.

3. Тестото се дели на два дела. Првиот дел се сука со сукало и се премачкува со половина од омекнатиот путер, па се прекрива со другиот дел исукано тесто.

4. Се мати свежото сирење со јајцето и се распоредува по горната кора. Потоа сето тоа се витка во ролат, а добиениот ролат надолжно се преполовува.

5. Тркалезен плех од 28 см се обложува со хартија за печење. Првиот дел од исечениот ролат се сука во круг и се става на средината на садот. Околу него прицврстете го вториот дел од ролатот.

6. Обликуваното тесто се остава да нарасне на топло. Потоа се премачкува со изматено јајце и се пече во загреана рерна на 180°Ц, додека зарумени кората.

Извор: Добра храна

Тесто меко како душа: Пробајте го овој венец со лук и со пармезан