Превкусно предјадење со неодолив вкус
Состојки:
- 500 г екстра бело брашно тип 400 на „Жито лукс“
- 20 г свеж квасец
- 1 лажиче сол
- 1 јајце
- 125 мл млеко
- 125 мл вода
- 100 г растопен путер
- 100 г рендан кашкавал
- 50 г пармезан
- 3 чешниња лук
- сечкан магдонос и власец
Приготвување:
1. Квасецот се мати во топла вода со едно лажиче шеќер и екстра бело брашно тип 400 на „Жито лукс“, па се остава на топло да нарасне.
2. Се мешаат екстра белото брашно тип 400 на „Жито лукс“ и солта, па се додаваат приготвениот квасец, јајцето и млакото млеко. Со рака се замесува мазно тесто, па се покрива со крпа и се остава да одмора околу 30 минути.
3. По одморањето, тестото се дели на три дела и се обликуваат ленти. Потоа се сечат на помали парчиња и се обликуваат топчиња.
4. Путерот се топи на умерена температура, па со него се премачкува калапот за куглоф. Во преостанатиот оладен путер се додаваат ренданиот кашкавал, пармезанот, ситно исечканиот лук и зачинските билки.
5. Приготвените топчиња се макаат во мешавината од путер и кашкавал, а потоа се распоредуваат во калапот додека се потрошат сите. Се прелеваат со преостанатата мешавина.
6. Се пече во загреана рерна на 200°Ц, околу 45 минути, додека зарумени. Готовиот венец се остава да се олади во калапот, па внимателно се префрла во чинија за послужување.
Извор: Добра храна