Нешто на лажица…
Вкусните домашни варива, паприкаши и слични деликатеси без кои не може да се замисли традиционалната кујна, омилени се на овие простори! Пробајте ја оваа вкусна, густа рибја чорба, која дефинитивно ќе ве освои.
Состојки:
- 4 главици црвен кромид
- 2 помали моркови
- 1 резанка целер
- 1 помал пашканат
- 1 црвена пиперка
- 1 кг котлети од крап
- 1 рамна лажица сушена мелена пиперка
- 1 лажиче лут пипер
- 250 г излупени домати
- 200 мл бело вино
- 400 мл доматен сок
- 2 лаврови листа
- 500 г широки тестенини
- пипер
- сол
Поврзани објави
Приготвување:
- Црвениот кромид, морковите, целерот и пашканатот се чистат и се сечкаат на коцки. Пиперката се сече надолжно на четвртини и се чисти од семето и дршките.
- На малку масло се пржи црвениот кромид да порумени. Се додаваат морковите, целерот и пашканатот, па сето тоа заедно кратко се пржи.
- Се продолжува со динстањето, долевајќи по малку вода, додека зеленчукот омекне наполу.
- Се додава свежата пиперка и се сечкаат излупените домати, па сето тоа заедно кратко се динста.
- Омекнатите состојки се миксираат во блендер, па се враќаат во тенџерето. Се додаваат доматниот сок, белото вино и вода колку што е потребно за да се добие посакуваната густина. Се зачинува со лавров лист, мелената пиперка и лутиот пипер, се посолува и се вари додека зоврие.
- Потоа се додаваат котлетите од крап и понатаму се вари без мешање, дваесетина минути.
- Тестенините посебно се варат во солена вода, а потоа се цедат од вишокот течност. Се послужуваат како прилог со паприкашот.
Текст и фото: Добра храна