Рецепт за најдобриот варен ѓеврек: Повкусен е од купечкиот и подолго останува тазе!
Оваа состојка му дава посебен вкус
Вооружете се со трпение и фатете се за работа – вашите домашни ќе бидат воодушевени од превкусниот појадок
Варениот ѓеврек им е омилениот појадок на многумина, па затоа, ви го откриваме најдобриот рецепт на искусните домаќинки. За разлика од обичниот ѓеврек, варениот поминува низ дополнителна термичка обработка, поради што и текстурата му е поинаква, а сусамот му дава посебен вкус.
Состојки:
- 1/2 кг брашно
- 25 г квасец
- 1 дл вода
- 2 јајца
- 50 г путер
- сол
- сусам
Приготвување:
1. Измешајте брашно со квасец и 1 дл млака вода, посолете, додајте путер и едно јајце, замесете тесто и оставете го да отстои 30 минути.
2. Расучете го тестото, поделете го на 10 дела, формирајте ги во ѓевреци и варете го секој од нив во зовриена вода 10 минути, додека се крене на површина.
3. Потоа, ставете ги ѓевреците во подмачкан плех и премачкајте ги со жолчка и сусам.
4. Печете ги на 180 степени во загреана рерна околу 30 минути.
Коментарите се заклучени.