Овие лиснати коцки се одлични како појадок, но и како вкусно предјадење
Состојки:
- 500 г лиснато тесто
- 2-3 домати
- 1 врзоп млад кромид
- 150 г ситно сечкана месеста сланина
- 150 г овчо сирење
- 1 јајце за премачкување
- сусам за посипување
Приготвување:
Поврзани објави
1. Лиснатото тесто се истенчува преку набрашнета работна масичка до 0,5 см дебелина, па се сече на поголеми квадрати.
2. Сeкој квадрат се засекува од сите четири страни на 0,5 см од работ, но треба да се води сметка тестото да не се пресече до крајот.
3. На средината на секој квадрат се ставаат резанки од домат, а потоа се посипуваат со ситно сечкан кромид и со коцки сланина, па со сирење. Треба да се внимава филот да остане на средината и да не го премине засечениот дел од тестото.
4. Рабовите на тестото се премачкуваат со изматено јајце и се посипуваат со сусам. Сето тоа се става во добро загреана рерна и се пече на 200°Ц, од 20 до 25 минути.
Извор: Добра храна