Откако ќе го пробате, вашето мени ќе стане незамисливо без ова крем-вариво со печурки!
Нешто на лажица
Совет: Ако варивото го приготвувате за утредента, павлаката за готвење додајте ја при подгревањето
Состојки:
- 1 поголема главица црвен кромид
- 1 поголем компир
- 1 келераба
- 1 резанка корен од целер
- 100 мл павлака за готвење
- 200 г шампињони
- 1,5 л зеленчукова супа
- прстофат лук во прав
- бибер
- сол
- масло
Приготвување:
1. Црвениот кромид се чисти и се сечка на коцки. Келерабата, компирот и целерот се лупат и исто така се сечкаат на коцки.
2. На малку масло се пржи црвениот кромид, а потоа се додава целерот, па сето тоа заедно кратко се пржи.
3. Се додаваат компирот и келерабата и се става зеленчуковата супа, па се продолжува со варење додека омекне зеленчукот.
4. Потоа зеленчукот се цеди (зеленчуковата супа се зачувува) и со малку од течноста се миксира.
5. Кашата се соединува со зеленчуковата супа, се додава павлаката за готвење и се долева малку вода, за да се постигне посакуваната густина. Се додава лукот во прав, се посолува и забиберува по вкус.
6. Шампињоните се сечкаат на листови и се пржат во тава на малку масло, да испари вишокот течност.
7. Печурките се ставаат во тенџерето со варивото, па сето тоа заедно кратко се вари.
Извор: Добра храна