Еднаш кога ќе ја приготвите оваа салата, секогаш ќе ја правите
Состојки:
- 5 поголеми компири
- 1 страк праз
- 100 г печени несолени кикиритки
- 100 г маринирани шампињони
- 50 г пченка од конзерва
- 200 мл павлака
- 150 мл мајонез
- пипер
- сол
Приготвување:
1. Добро измијте ги компирите, па сварете ги заедно со лушпата. Потоа исцедете го вишокот течност и оставете ги да се оладат, па излупете ги и исечете ги на коцки.
2. Исчистете го празот и исечете го на коцки. Маринираните шампињони исто така исечете ги на коцки.
3. Крупно сомелете ги кикиритките.
4. Во сад помешајте ги компирите, празот и кикиритките. Додајте ги мајонезот и павлаката, попарете и посолете по желба, па полека промешајте.
5. На крајот додајте ги маринираните шампињони и пченката.
6. Приготвената салата чувајте ја на ладно до послужувањето.
СОВЕТ: Внимавајте да не ги преварите компирите за да не се ронат премногу.
Извор: Добра храна